زهره طاهر داستانینگ دورایشی

زهره طاهر داستانینگ دورایشی زهره طاهر داستانی ترکمن خلق نینگ ادبی – روحی میراثینده اولی اورونه اییه بولن مشهور داستانلارینگ بیره گی دیر. بول ترکمن داستانی گون دوغارخلقلارینگ آراسینده گینگدان یایران مشهور داستانلارینگ بیره گی بولوپ وعصرلر دوامینده آغیزدن آغیزه ، دیل دن دیله گچیپ اوقیلیپ گیلیان داستانلارینگ بیره گی دیر. زهره طاهر داستانی " عشق ملک نینگ سلطانی " ملانفس طرفیندان یازیلیپ دیر. دستانینگ دورایشی بویله دیر. ترکستان ملک نینگ تاتار ایل نینگ بابه خان آدلی بیر پادشاه سی بیلن وزیری بولوپ دیر، یونه ایکی سی هم فرزند سیزبولوپ دیرلر، شاه وزیرایکی هم گیجه گوندیز الله تعالی غه یالبریپ طاعت وعبادت لر ادیپ فرزند دیلاپ دیرلر، الله تعالی ایکی سنینگ ادان طاعت وعبادت لرینی قبول ادیپ پادشاه غه بیر غیز بیریار آدینه زهره غویار لر و وزیره بولسه بیراوغل بیریار آدینه طاهر غویارلر، پادشاه بیلن وزیرالله تعالی اولاد بیرمزدان اوزال اوز اورته لرینده عهد وفا اتیارلر، اگر الله تعالی بیری میزه اوغل وبیری میزه غیز بیرسه ایکی سی بیر بیرینه جفت حلال بولسون لر دیپ دیرلر. آی گونینگ گچمیشی بیلن زهره بیلن طاهرکتته بولوپ یدی یاشینه باریارلر ومکتب مدرسه غه غاتنا یار وسبق داش بولیار وایکی سی هم گویا بیرقیزیل آلمانی ایکی بولیپ غویان یالی آی دن گونش دن گوزل بولوپ یتشیار وبیری بیرینه عاشق ومعشوق بولیار لر. یونه پادشاه ادان عهدوپیمانه وفاه اتمان زهره جانی طاهر بیگه بیرجک دال بولوپ کوشش اتیار، یونه زهره جان وطاهر بیگا چن عاشق ومعشوق بولان لری اوچین ادان عهد وپیمان لرینه وفاه ادیپ چن کونگل دن بیری بیرلرینی سوییار لر ، قول وقرار لرینده تااولینچا دوریار لر. پادشاه زهره بیلن طاهرینگ سویگی لرینی اسلامان طاهری زهره جان دن آیریپ باشینی کسدیریاروطاهر بیگینگ هر بیرقطره غانیندان زهره جان دییپ سس چقیار شودیپ زهره جان یلغوزغالیار،یونه بیرقانچه وقت گچیپ گچمانکا زهره جان هم اوزینی طاهر بیگ یولینده غربان اتیار وشودیپ ایکی عاشق ومعشوق آرمانلی دنیادن ئوتیار.