تورکمن لرینگ نشه مصیبت لری
اروپا دولت لری علم وفرهنگ بیلن اوزلرینی مدنیته یتیش دیریپ گویجلانان لریندن سونگ حریص گوزلرینی اورته آسیا یعنی تورکستانه تیکن لر. روس لر همده گوزلرینی هند دنگیزنه توتیپ همیشه بوگون کی افغانستان و ترکمنستان اوست لریندن مراد طرف لرینه یولی آخترن لر. بوآیمیت لر ( سوق الجیشی ) یوزیندن ایکی طرفه همده اهمیت لی یول دیر. تاریخ لره غرانده نیرنگ لی تارتشیق لر همیشه روس لر بیلن انگلیس لر بوآیمت ده اوینان لر.( ایکی اشک اوریشر آره سینده گوک غویون اولر) نقله غرانده بو آره ده ال لری بوش عاجز ترکمن لر عصرلرعذاب تارتیب اورته نن لر.
اما بوآیمت لرینگ غیراتلی ، ایمان لی وننگ لی باتور ایل لری اوز لرینی قیزیل غان لره بویاب و جان لرینی یوویرت لرنینگ اوسنتده قربان ادیپ اوست لریندن انگلیس لره یول بیرن دال لر.
البته ترکمن لرینگ ییل لر انگلیس آرقه لی قاچار لر بیلن تارتیشن لری وافغانستانلی لرینگ همده برنجی، ایکنجی واچونجی اوریش لری سندلی مثال دیر.
انگلیس لر شوم پلان لری بیلن نشه سودا سنی ترکمن لرینگ آره لرینده غیزیق دیرن لر تا ترکمن لری نشه عمل نه یولیق دیریب روحیه لرینی اولدیرسه لر وغیرات لرینی اگیسه لر اما انگلیس لر بو شوم پلان لری بیلن همده ترکمن لرینگ اوستندن تورکستانه یول آچیب بیلمه دی لر. یونه ترکمن لرینگ اکثر لرینی نشه عمل نه یولیق دیردی لر.
وترکمن لر هم سنه 1889 ده چینی لر انگلیس لره هانگ کانگ بندرنی بیرن یانی ترکمن صحرا و مازندرانی انگلیس لره آلدیردی لر. بو بیر افسوس بیلن آیدیل سه نشه سوداسی ترکمن لری نشه بند ادیپ بیسان اتدی. بوگون دریغ ملیون لرچه اوغوز خان ، آلپ تگین وبایرام خان یوراکلی ترکمن لری نشه عملی غیرات لریندن آیردی.
انگلیس لر میلادی ییل لری 1796 – 1837 لرده نشه سوداسنی چین ده یورتدی لر چین دولتی آز مدت ده بوسودا نینگ عاقبتینه متوجه بولدی. وبوسودانی منع اتدی لر. وانگلیس لره بار بار اخطار بردی لر تانشه لرینی چینه گیترماسه ، انگلیس لر غولاق آسمه دی لر. چین دولتی ناچار یگرمی (20000) مونگ صندوق نشه نی دریا تاشله دی لر. میلادی ییل 1840 ده شو بهانه لر انگلیس لر بیلن چین اورته لرینده اوریش بولدی. بو اوریش تاریخ لرده (تریاک اوریشی ) آدینده مشهور دیر.
چین دولتی دریا تاشله نن نشه لرینگ غرامات وتاوان لرینه هانگ کانگ بیلن اوچ بندر لرینی انگلیس لره الندان آلدیردی.
یونه چین دولتی نشه مصیبت لرینی ایل لرنینگ اوست لریندان گوتردی.
دریغ اول زمان لرده تورکستان ده دیری روح لی حکومت یوقتی . تاچین دولتی یانی بو یول ده تصمیم آلسه وا دریغا بوگون لک لرچه غوچاق یگیت لر ترکمن لر دن نشه مصیبت لرینه یولیغیب دیری لیک لرینی عبث وثمر سیز ادن لر.
